ВМРО-ДПМНЕ емитуваше 8 пати повеќе реклами од СДСМ на изборите - за плаќање ќе видиме

ВМРО-ДПМНЕ го надмина СДСМ во нарачките и емитувањето на предизборни реклами во сооднос осум спрема еден. Проблем е само што додека СДСМ има платено 87 отсто од рекламите, ВМРО-ДПМНЕ има подмирено едвај 4 отсто од цехот. Остатокот ќе го платиме сите ние. 

ВМРО-ДПМНЕ на мартовски локални избори се рекламираше без прекин и каде стигнеше. За владејачката партија парите не се проблем. Не се проблем зашто таа нема да ги плати, туку за неа тоа ќе го стори националниот буџет.

Фактот што борчовите на ВМРО-ДПМНЕ се уште не се платени ни речиси два месеци по изборите го покажува тоа, иако според законот рекламирањето мора да се плати исклучиво од посебната партиска сметка отворена само за донации и плаќање трошоци поврзани со изборите. И иако оваа сметка треба да се затоври 30 дена по завршување на изборите, што значи дека во тој рок ВМРО-ДПМНЕ морал да ги подмири сите долгови поврзани со кампањата. Но, наместо тоа, владејчката партија сметките ќе си ги подмири или од пријателските фирми - приватни, но и државни, а во кои директори се вмровци, зашто сите тие имаат право 5 отсто од своите годишни приходи да ги донираат.

Право на донација, исто во износ од 5 отсто од годишните приходи, имаат и самите медиуми, така што оние блиските до власта, каде што ВМРО-ДПМНЕ воглавно ги нема подмирено сметките, најверојатно никогаш нема ни да ги подмири, туку ќе добие „донација“ од самите медиуми блиски до неа.

За сметка на тоа, пак, ВМРО-ДПМНЕ, во следните државни и буџетски финансирани кампањи, овие свои пријателски медиуми ќе ги преполни со државни реклами, така што медиумите ќе си го наплатат предизборното рекламирање и тоа повеќекратно. Само што овојпат тоа ќе биде со наши народни пари. Така што, следниот пат кога на телевизија ќе видите некоја државна кампања, знајте дека тоа власта со ваши пари се раздолжува за предизборното рекламирање.

Како инаку да се објаснат попустите што Канал 5 им ги дава на властодршците и тоа од 72 отсто и Сител со 60 отсто? Сигурно двете најголеми национални телевизии во земјава, обете провладини, ова не го прават од љубов.

ЛЕГЕНДА ЗА ТАБЕЛИТЕ: Извештаи на медиумите , доставени до Антикорупциската комисија, за износот во кој е нарачано време за рекламирање на ВМРО-ДПМНЕ и СДСМ, добиените попусти, сумата за плаќање по пресметани попусти и нивото на платени фактури до 20 мај 2013 година по медиуми и вкупно. Сите износи се во денари, освен последниот ред во двете табели во кој вкупните износи се конвертирани во евра.

Коалиција ВМРО-ДПМНЕ
Во денари	Секунди	Купил	Попуст	За плаќање после попусти	Должи
Канал 5	219.021	12.390.631	8.900.000	5.490.631	5.490.631
Сител	192.288	16.424.769	9.870.000	6.554.769	6.554.769
МПМ		18.123.368		18.123.368	18.123.368
Антена 5	13.242	960.972		960.972
ТВ Здравкин - Велес		874.541	175.000	699541	699.541
ТВ Тера Битола	203.103	2.169.161		2169161	2.169.161
Спортско Радио	3.136	192.864		192864	192.864
ТВ Стар Штип	138.683	727.971	260.000	467971	467.971
ТВ Менада - Тетово	141.945	631.000		481000	477.000
Вечер		4.865.880	3.635.880	1230000	1.230.000
Интел Струмица	203.040	1.621.322	180.000	1441322	1.441.322
ТВ Тера	203.103	2.169.161		2169161	2.169.161
Протел Радио - Пробиштип	133.637	385.675	100.000	385675	285.675
ТВ Кисс	82.352	430.500		430500
Клуб ФМ Радио	1.687	122.399		122399	122.399
СИТИ Радио	9.032	655.598	352.000	303598	303.598
ТВ Амазон		434.961	85.000	349961	349.961
Метрополис - Радио	7.980	1.152.567	100.000	1052567	1.052.567
ТВ Канал 21 - Велес	236880	1167328	100.000	1067328	609.019
Шутел		849.159	249.008	609019	609.019
Златен Канал - Крива Паланка	122.404	368999	150000	218.999	218.999
Експрес Радио - Струмица	10.628	188.115	188.115
НИК Нова Принт		1.603.440		1.603.440	1.603.440
ВКУПНО		68.510.381	24.345.003	45.656.275	43.702.494
Вкупно во евра		1.113.990	395.854	742.378	710.610

Коалиција СДСМ
Во денари	Секунди	Купил	Попуст	За плаќање  после  попусти	Должи
24 Вести	3.960	2.060.705		1.960.175
Алсат-М	3.960	2.214.000		2.214.000
Телма	7.118	3.203.000	801.000	2.402.000
Антена 5 радио	384	27.867		27.867
ТВ Здравкин		194.590		194.590		194.590
ТВ Тера Битола	10.337	340.570		340.570		340.570
ТВ Менада Тетово	1.040	6.000		6.000		6.000
ТВ Интел Струмица	19.704	151.967	28.967	123.000		123.000
Радио Кисс  Тетово	3.589	6.622		6.622		6.622
ТВ Тера	10.337	340.570		340.570		340.570
ЕКО Радио Пробиштип	350	3.960	360	3.960		3.960
Протел Радио Пробиштип	2.160	7.982		7.982
ТВ Кисс	10.668	55.719		55.719
ТВ Амазон		51.005		51.005		14.632
ТВ Канал 21 Велес	7.800	23.600		23.600
Златен Канал Крива Паланка	690	2.038		2.038		20.38
Експрес Радио Струмица	10.887	192.699	174.704	17.995
ВКУПНО		8.882.894	1.005.031	7.777.693		1.031.982
Во евра		144.437	16.342	126.467		16.780

Напомени: Износите се преземени од извептаите на самите медиуми доставени до Државната комисија за спречување на корупцијата. Не е јасно зошто ТВ Тера од Битола има поднесено два извептаи, но со оглед на тоа што тие содржат различни цифри и износи, овде се вклучени и двата. Извештаите на „Нова Македонија“ и на ТРД Радио Нова Зора на страната на ДКСК не се отвораа попладнево. Кога ќе се кликншее на линкот, серверот вели дека таква датотека не постои. Извештајот на ТРД Радио Нова Зора се уште не се отвора ноќва, а линкот до извептајот на Нова Македонија е отстранет и името на весникот целосно е избришано од страната на ДКСК. Во горната листа од непознати причини не се вклучени сите медиуми на кои имаше политички маркетинг. На листата, на пример, недостасува ТВ Алфа, иако и оваа телевизија емитуваше предизборни реклами, а сигурно има и други медиуми што недостасуваат. Ако се земе предвид фактот што на Алфа и во Нова Македонија воглавно или исклучиво се рекламираше владеачката коалиција, тогаш потрошените средства од нејзина страна сигурно се поголеми од овде наведените. Извор: ДКСК

Забелешки:

1. Износот од 1,114 милиони евра, за кој ВМРО-ДПМНЕ нарача реклами на локалните избори е 8 пати поголем од износот од 144 илјади евра, колку што нарача СДСМ.

2. ВМРО-ДПМНЕ доби 35 отсто попуст на вкупната нарачка од медиумите, додека СДСМ од својата нарачка доби само 11 отсто попуст.

3. ВМРО-ДПМНЕ должи 96 отсто од парите што треба да им ги плати на медиумите, додека СДСМ должи само 13 отсто. И во двата случаи износите што се должат се заклучно со 20 мај 2013 година.

4. ВМРО-ДПМНЕ само во Канал 5 има потрошено повеќе пари за предизборно рекламирање од севкупниот буџет за медиуми на СДСМ.q

[Ве молиме споделете го написот на социјалните мрежи на кои сте активни и помогнете го критичкото и слободното новинарство. АНФАС на Фејсбук можете да го следите овде.] 

[Написите од АНФАС не смеат да се преземаат до 24 часа по објавувањето, a по овој рок тоа се прави исклучиво со наведување на изворот и креирање линк до оригиналниот текст. Доколку написот сакате да го преземете пред да изминат 24 часа, обратете се на anfaspogledpravo@gmail.com за да добиете дозвола преку и-мејл]